Марк Антонио Рубио

"Аламан" сіздердің назарларыңызға қазақстандық кәсіпқой боксшы Геннадий Головкиннің қарсыласы Марк Антонио Рубионы кеңінен таныстырады.

Марко Антонио Рубио
Мәлімет
Есімі:	Марко Антонио Рубио (исп. Marco Antonio Rubio)
Лақап аты:	У (исп. El Veneno)
Азаматтығы:	Мексика
Туған жылы:	16 маусым 1980 (34 жаста)
Туған жері:	Гомес Паласио, Мексика
Тұратын жері:	Торреон, Мексика
Салмақ дәрежесі:	Ората ( 72,574 кг)
Соққы жасайтын қолы:	Оң қол
Бойы:	178 см
Профессионалдық карьерасы
Бірінші кездесуі:	13 — қаңтар, 1999
Соңғы кездесуі:	8 — қыркүйек, 2012
Барлық кездесулері:	62
Жеңіске жетті:	55
Нокаутпен жеңді:	48
Жеңіліс:	6
Тең нәтиже:	1

Марко Антонио Рубио – 1980-жылы, 16-қыркүйек күні Мекскикада дүниеге келген. Кәсіпқой бокста орта салмақта өнер көрсетеді.

Ол кәсіпқой бокстағы алғашқы кездесуін 2000-жылы мамыр айында өкізген.

Алғашқы жеңілісі 2001-жылы 1-маусым күні болды. Оны жеңген тағы бір мексикалық боксшы Саулю Роману болған. Сол жылы қыркүйек айында Рубио Мексика Чемпионы деген атақты жеңіп алды.

2003-жылы 1-тамыз күні жеңілмейтін Хосе Вареланы екінші раундта нокаутпен жеңіп, континентаралық WBC чемпионы деген атақты жеңіп алды. Бұл кездесіден кейін ол көп жеңіліске ұшырамай қарсыластарын нокаутпен жеңіп отырды.

Тек өзінің отызыншы кездесуінде  ганалық Кофи Янутаға екінші раундта нокаутпен ұтылып қалды.

Бұл жеңілістен кейін ол 2005-жылы қатарынан бес кездесу өткізіп  бәрінде жеңіске жетті. Солардың ішінде жеңілмейтін Дэвид Торибоныда нокаутпен жеңді.

Үшінші жеңіліс оған өте әділетсіз келді. 2006-жылы мамыр айында Кассимом Оумамен болған жекпе-жек 12 раундқа созылып, төрешілер жеңісті Оумаға берді. Бірақ, кездесуден кейін көптеген мамандардың айтуынша жеңіс Рубиоға берілу керек еді.

Оның өміріндегі ең қиын әрі мықты қарсыласы жеңілмейтін ресейлік Заурбек Байсангуров болған. Киевте өткен бұл кездесу алдында көптеген мамандар Рубионың жеңісіне сенген, бірақ 12 раундқа созылған бұл кездесуде ресейлік былғары қолғап шебері барлық төрешінің шешімімен жеңіске жетті.

Бұл жеңілістен кейін Рубио қарап қалмай, орта ауыр салмаққа ауысып қарсыластарын нокаутпен жеңіп отырды. 2007-жылы екінші рет Мексика чемпионы, ал 2008-жылы WBA Fedecentro, WBC FECOMBOX атақтарын жеңіп алды.

Қазір ол WBC дәрежесінің уақытша чемпионы.